নিধিকুণ্ড সুত্তং

০১।    নিধিং নিধেতি পুরিসো গম্ভীরে ওদকন্তিকে,
অত্থে কিচ্চে সমুপ্পন্নে অত্থায মে ভবিস্সতি।
০২।     রাজতো বা দুরুত্তস্স চোরতো পীলিতস্স বা।
ইণস্স বা পমোক্খায দুব্ভিক্খে আপদাসু বা,
এতদত্থায লোকস্মিং নিধি নাম  নিধীযতি।
০৩।    তাব-সুনিহিতো সন্তো গম্ভীরে ওদকন্তিকে,
ন সব্বো সব্বদা এব তস্স তং উপকপ্পতি।
০৪ ।    নিধি বা ঠানা চবতি সঞ্ঞাবস্স বিমুয্হতি,
নাগা বা অপনামেন্তি যক্খা বাপি হরন্তি তং।
০৫।    অপ্পিযা বা’পি দাযাদা উদ্ধরন্তি অপস্সতো,
যদা পুঞ্ঞক্খযো হোতি সব্বমেতং বিনস্সতি।
০৬।    যস্স  দানেন সীলেন সঞ্ঞমেন দমেন চ,
নিধি সুনিহিতো হোতি ইত্থি যা পুরিসস্স বা।
০৭।    চেতিযম্হি চ সঙ্ঘে বা পু¹লে অতিথীসু বা,
মাতরি পিতরি বা’পি অথ জেট্ঠমহি ভাতরি।
০৮।    এসো নিধি সুনিহিতো  অজেয্যো অনুগামিকো,
পহায গমনীযেসু এতমাদায গচ্ছতি।
০৯।    অসাধারণমঞ্ঞেসং অচোরহরণো নিধি,
কযিরাথ ধীরো পুঞ্ঞানি যো নিধি অনুগামিকো।
১০।    এস দেব-মুনস্সানং সব্বকামদদো নিধি,
যং যদেবাভিপত্থেন্তি সব্বমেতেন লব্ভতি।
১১।    সুবণœতা সুস্সরতা সুসণ্ঠনা সুরূপতা,
আধিপচ্চা পরিবার সব্বমেতেন লব্ভতি।
১২।    পদেসরজ্জং ইস্সরিযং চক্কবত্তি সুখং পিযং,
দেবরজ্জম্পি দিব্বেসু সব্বমেতেন লব্ভতি।
১৩।    মানুসিকা চ সম্পত্তি দেবলোকে চ যা রতি,
যা চ নিব্বাণসম্পত্তি সব্বমেতেন লব্ভতি।
১৪।    মিত্তসম্পদং আগম্ম যোনিসো বে পযুঞ্জতো,
বিজ্জা বিমুত্তি বসীভাবো সব্বমেতেন  লব্ভতি।
১৫।    পটিসম্ভিদা বিমোক্খা চ যা চ সাবকপারমী,
পচ্চেকবোধি বুদ্ধভূমি সব্বমেতেন লব্ভতি।
১৬।    এবং মহিদ্ধিযা এসা যদিদং পুঞ্ঞসম্পদা,
তম্মা ধীরা পসংসন্তি পণ্ডিতা কতপুঞ্ঞতন্তি।